Ta’nik Kisi O’pla’ujik Apoqnmatimuow (‘Nnu’k) TA’N TELUKWEK KOQWEY

Kina’matimkey Apoqmati Kanata (KAK) Ukjit Ta’nik Kisio’pla’ujik

Kina’matimkey Apoqnmati Kanata (KAK) na nujo’tk ta’n telpijo’luj aq ta’n telnujeyuj o’plataqatijik aq pijo’lujik me’ aq tapuipnqek.

Newt kisima’muio’pla’lulk, pewalulnek keknuweyuksin aq ankweyuksin koqwajo’tiktuk aq kepmite’taqan. Telukutijik Nujiapoqnmua’tijik eymu’tijik aq tlimultaq ta’n koqwey teltek ‘kji’tun KAK aq ta’n wen kisiopla’l’sk’p.

Ukjiksu’k aq Wikultimkl

Keytuek na ukjiksu’k aq wikultimkl na mawiespite’tas’k ula Kanatiesuwey ta’n teloltimk. Aq elk keytuek na kaqi’sk wen amsala’lukutal ta’n wenn nenuatl. Kisiknmulten keknua’taqan ta’n ketu’kjijitun ukjit na amsala’lɨsɨkp, ‘ktu’nmi’j nekm kisna Mu. Tla’qtaqatesnen ta’n telpuwatmn.

Uksitunin na Kɨpno’leweyigtug Kekina’matimk Wesko’tasɨk

Pukwelkl na eykɨl ta’n tlnutulten ula Kɨpno’lewey Kekina’matimk wesko’tasɨk. Kisiknmulten keknua’taqn wejiaq KAK aq elk knua’taqan ukjit na ta’n wen o’pla’lsɨkp.

Ki’l elk kis tlimastesk na Ta’nik Kisio’pla’lujik Nujiulima’tijik (TKN). TKNaq kisiapoqnmua’tita na KAKaq aq ta’n Nujiapiksiktaqatijik Ukjit Kanata (NUK), na etliapoqnmuek ukjit ta’n telitmk ‘tplutaqann ta’n teliknmut wen tu’wen ta’n tujiw pisij etlkina’matimk.

Mesnmɨk Knua’taqan

Kisimsntes ta’n koqwey ketu’kjijitu’n ukjit ta’n wen amsala’lɨskɨp, pasɨk eltaqte’majik KAK aq NUKewaq aq kelutmn. Ula knua’taqan kisi apoqnmultew ‘nsɨtasin ta’n tellukwekl ‘tplutaqnn, wen iknmuj kes pisij laplusank, apoqnmutew mu nsanoqiktuk ikaluksin, aq elk etuk jel kisa’lultew ulte’tmn ukjit ta’n kistliaqap. Je we’kaw kisapsɨnmuatek wen piluwey knua’taqan, kisna iknmuates ta’n wen weltelmɨt kisapknmulnin knua’taqan ukjit ki’l.

Wen kislkitmuaten knua’taqan?

Na Kina’matimewey aq ‘Tplutaqn Ta’n Tua’luj Wen (NKTTW) tlimultew ‘tplutaqan ta’n telinsɨtasimk ukjit ta’n wen kisimsɨntew knua’taqan ukjit ta’nik pisutijik piamiw tapuipunkek:

  • Na’tuwen ta’n kisjileyut kisna kisa’lut pisu’jipasin muta na’tuwen kisma’muni o’pla’teket.
  • Ta’n wen malie’wi’titl, kisna toqnasijik, ta’n wen elita’sualtl, ta’n wen nujeywatl, ta’n wen nepkɨsnaq kisna mu
  • nuku’ kiseyasikw (sɨtke’ mijua’ji’j kisna ta’n wen kesnukwat), na’tuwen ta’n ankweywatl na kisio’pla’lutp kisna
  • na’tuen ta’n mesiketk kastɨplewiktuk kisna Kpno’ewiktuk.

Talamu’k knua’taqan kislkitmulten ukjit ta’n o’pla’lskɨp?

Newt wen pipanimuksiek ta’n koqwei pewatasɨk, iknmultesnen knua’taqan ula telamu’k:

  • ta’n opla’tekep teluisij,
  • ta’n telopla’tekep, aq ta’n etli ilsumutɨp,
  • ta’n tujiw pijasitew etlkina’matimk aq ta’n tlipitqatɨtew.
  • ta’n tujiw opla’tekep ilamaten ukjit kismatu’tu’wen kisna apisiktuksin.

Ula elk knua’taqnn kisianku’iknmulten:

  • ta’n tewje’k opla’tekep;
  • o’platekep kina’matimk pisin kisna mu, ta’n koqwei ukjit;
  • ta’n teken lapulusan etlkenut ta’n o’pla’tekep;
  • tlimuksites ta’n tujiw o’pla’tekep piluwei laplusan ela’luj.
  • knua’tuksin ta’n tlukwetew aq ta’n koqwei na o’pla’tekep etlkina’masij kisna kekina’masip;
  • te’s ma’muni’w elistk na ta’n o’pla’tekep;
  • ta’n tesukunitew iknmuj tu’wen kisna tu’lukwen, apisiktuj kisna amujpana tewa’luj;
  • ta’n koqwey ukjit ta’n telkistu’wej;
  • ta’n nuta’q tla’teken na o’pla’tekep kulaman kistu’wetew, kisna kislukwetew, apiksiktut kisna amujpa tewa’lut; ta’n o’pla’tekep lietew newt iknmuj ijka’tu’wen, tu’lukwen, apiksiktuj kisna amujpa tewa’luj gisna kikjiw pmien ta’n
  • o’pla’lapnn wikinij; aq ta’n tujiw na Nujiapiksiktua’tijik Ukjit Kanata mawaknutmatij ukjit siawknuksin na o’pla’tekep piamiw ta’n telsmutɨp.

‘Ktu’tla’teken, kisknua’tekek aq tluwetesk ta’n na o’pla’taqan kisa’se’wa’taskɨp ta’n teleyn aq ‘kjiksu’k kisna kisknua’tuaq.

Ktu’knua’teken

Ta’n koqwey keytu’n ukjit ta’nwen ‘opla’lsɨkɨp. Na ‘knua’taqan kisie’wasɨktɨtew ta’n tujiw ilsumuj na o’pla’lskɨp. Jiptuk e’wasɨktɨtew elt ta’n tujiw mawita’tij NUK aq ap nekmow ilsutmi’tij ukjit apiksiktuksin aq apatkimuksin kisio’pla’tekep wikuaq.

Ta’n tujiw pipanikesin KAK ukjit ‘msnmn kua’taqan, na o’pla’tekep mu telimamɨk na kisltaqte’muiek ketu’kjijitun koqwey. Katua, teimieks’p knua’taqan ta’n kis sa’se’wa’tutew ta’n telilsumuj o’platekep aq ta’n tltu’wetew etlkina’matikm, na tujiw amujpana telimut ta’n o’pla’tekep. Ta’n wikin aq ta’n teliltaqte’mulk ma’ tllimam’k ta’n o’pla’tekep.

Me’ap koqwey ‘Ktukji’tu’n

Kisltaqte’ketesk KAK me’ koqwei piluwei ‘ktukjijitu’n, ta’n teliapoqnmujik ta’nik kisi o’pla’lujik kisna me’ knua’taqan.

Mu talawtinuk: 1-866-806-2275
victims-victimes@csc-scc.gc.ca
www.csc-scc.gc.ca/victims-victimes

Iktikl Apoqnmati’l

Nujiapiksiktaqatijik Ukjit Kanata
Mu talawtinuk: 1-866-789-4636
www.pbc-clcc.gc.ca

K’pno’ley Ilsutaqaney – Amsala’ujik Uktsuieweymuow Etek
(Sulieweyktuk aponmulten ukjit ta’n tlietesk Apisiktaqatijik Mawita’tij Isutaqatinew)
Mu talawtinuk: 1-866-544-1007
www.justice.gc.ca

Ta’n Nutewistoq Ukjit Ta’nig Amsala’lujik Etlukwej
Mu talawtinuk: 1-866-481-8429
www.victimsfirst.gc.ca